Modelja australiane Sahara Ray, e njohur edhe për lidhjen e saj të mëparshme me këngëtarin Justin Bieber, ka ndërruar jetë në moshën 34-vjeçare, vetëm pak muaj pasi solli në jetë fëmijën e parë, një vajzë.

Lajmin e trishtë e konfirmoi familja e saj për median amerikane TMZ, duke bërë të ditur se ndërroi jetë në spital, e rrethuar nga familjarët.

“Ajo ishte shumë e dashur”, thuhet në deklaratën e tyre. Deri më tani, shkaku i vdekjes nuk është bërë publik.

Sahara Ray

Vdekja e modeles ka prekur miqtë dhe ndjekësit e saj, të cilët kanë ndarë mesazhe ngushëllimi në rrjetet sociale.

Ray u bë nënë në janar të këtij viti, kur solli në jetë vajzën e saj, Snow.

Përveç modelimit, Sahara ishte e njohur edhe si influencuese dhe sipërmarrëse.

Ajo themeloi markën e saj të rrobave të banjës, Sahara Ray Swim, teksa vëmendjen e gjerë mediatike e mori në vitin 2016, kur u publikuan fotografi të saj me Justin Bieber gjatë pushimeve në Hawaii.

Sahara

Më herët, ishte lidhur nga mediat edhe me këngëtarin australian Cody Simpson.

Sahara ishte vajza e legjendës australiane të sërfit, Tony Ray, dhe gjatë jetës kishte jetuar mes Australisë, Kalifornisë dhe Hawaiit.

Sahara me Justin

Rreth dy vjet më parë, kishte folur publikisht për betejën me sindromën Guillain-Barre, një çrregullim i rrallë neurologjik që, sipas raportimeve, iu diagnostikua pas një aksidenti të rëndë automobilistik.

Pasojat e sëmundjes e kishin lënë pjesërisht të palëvizshme. /Telegrafi/

Sahara dhe Justin