Një moment mes banorëve të Big Brother VIP Kosova ka ngjallur diskutime në rrjetet sociale, duke përfshirë edhe ish-banoren e këtij formati, Elijona Binakaj.

Gjithçka nisi gjatë një bisede mes Sharrit dhe Anjezës, ku u përmend emri i Elijonës.

Në atë moment, Sharri vendosi ta përshëndeste ish-banoren, ndërsa Anjeza, e cila ishte pranë tij, nuk iu bashkua këtij veprimi.

Foto: Screenshot/TikTok

E pyetur nga Sharri se përse nuk po e përshëndeste, Anjeza bëri të qartë se nuk kishte ndërmend ta bënte këtë.

Arsyeja, sipas saj, ishte se Elijona e kishte hequr nga lista e ndjekësve në rrjetet sociale, duke iu referuar veprimit 'unfollow'.

Kjo deklaratë nuk mbeti vetëm brenda mureve të shtëpisë, pasi edhe vetë Elijona reagoi përmes një postimi në TikTok.

Ish-banorja zgjodhi ta përcillte reagimin me një emoji duke qeshur dhe një GIF ironik nga seriali i njohur “The Office”, duke lënë të kuptohet se situata i kishte shkaktuar më shumë të qeshura se sa ndonjë shqetësim.