Ambasadorja e Brazilit në Beograd, Maria Clara de Abreu Rada, ka deklaruar se qëndrimi i shtetit të saj ndaj Republikës së Kosovës mbetet i pandryshuar dhe se Brazili nuk do ta njohë pavarësinë e saj.

Në një intervistë për gazetën serbe “Politika”, ambasadorja ka theksuar se Brazili mbështet një zgjidhje të arritur përmes negociatave, në përputhje me të drejtën ndërkombëtare dhe Rezolutën 1244 të Këshillit të Sigurimit të Kombeve të Bashkuara.

“Brazili mbështet një zgjidhje të arritur përmes negociatave, në përputhje me të drejtën ndërkombëtare dhe Rezolutën 1244 të Këshillit të Sigurimit të OKB-së”, ka deklaruar ajo, shkruan N1.