ShowBiz
18 November 2026
“Na hape barkun, gjej një jetë!” – Shëndriti i përgjigjet ironisë së Rogertit

Edhe pse “Big Brother VIP Albania 5” ka përfunduar prej muajsh, duket se përplasjet mes ish-banorëve vazhdojnë edhe jashtë shtëpisë.

Së fundmi, Rogerti ka rikthyer në vëmendje rivalitetin e dikurshëm me Shëndritin, përmes një postimi ironik në rrjetet sociale.

Rogerti ka publikuar një fotografi të realizuar me inteligjencë artificiale, ku Shëndriti paraqitet me trupin e një maceje, ndërsa pranë tij shfaqet Selina, fituesja e edicionit të pestë.

“Macja u gjet në Dubai!”, shkruhet në fotografi, ndërsa Rogerti e ka shoqëruar postimin me fjalët: “Macja u gjet, moj Gringaaaa!”.

Postimi përfshin edhe referenca ndaj këngës “Ala Ya Dubai”, si dhe ndaj pretendimit të Rogertit për një marrëveshje lidhur me ndarjen e një pjese të çmimit të madh.

Por, kjo ironi nuk ka kaluar pa një përgjigje nga Shëndriti.

Ish-banori ka shpërndarë postimin e Rogertit në InstaStory, duke reaguar shkurt dhe drejtpërdrejt.

“Na hape barkun!”, ka shkruar fillimisht ai, për të shtuar më pas në anglisht: “Go get a life!”, që në shqip nënkupton “Gjej një jetë!”.

Kujtojmë se Rogerti dhe Shëndriti kanë pasur përplasje gjatë qëndrimit në “Big Brother VIP Albania 5”, ndërsa raporti i tyre ka vazhduar të jetë i tensionuar edhe pas përfundimit të spektaklit.

Me këtë shkëmbim të fundit, duket se debatet dhe thumbimet e dikurshme mes tyre ende nuk kanë marrë fund.

“Na hape barkun, gjej një jetë!” – Shëndriti i përgjigjet ironisë së Rogertit



Të ndryshme
Më shumë
Jotova: Strategjia e Bullgarisë ndaj Maqedonisë së Veriut duhet të vazhdojë siç ka qenë30 October 2026
“Të gjithë sytë nga unë”, Anxhelina Hadërgjonaj me imazhe joshëse në rrjete sociale27 August 2021
Pas 50 vitesh, nis transformimi i madh i Çarshisë së Vjetër në Çair14 April 2026