Zv. Kryeministri i parë Grubi takoi ambasadoren e Malit të Zi Petroviq: NATO dhe BE vlera që respektojmë bashkë

Zëvendëskryeministri i parë dhe Ministër për Sistem Politik dhe Marrëdhënie Ndërmjet Bashkësive, z.Artan Grubi sot në kabinetin e tij takoi Ambasadoren e Malit të Zi znj.Marija Petroviq.

Grubi dhe Petroviq konfirmuan se Maqedonia e Veriut dhe Mali i Zi mes vete kanë një miqësi dhe bashkëpunim të mirë, respektojnë të njëjtat vlera, përkatësisht Bashkimin Evropian dhe NATO-në.

Gjithashtu gjatë këtij takimi u theksua se Republika e Maqedonisë së Veriut ka një rol të rëndësishëm dhe konstruktiv në avancimin e marrëdhënieve mes vendeve të Ballkanit Perëndimor dhe njëherësh është shembull i mirë ku qytetarët treguan pjekuri demokratike dhe vendosën që sundimin i ligjit dhe vlerat demokratike të mos ndalen.

znj.Marija Petroviç falënderoi z.Grubi për përkrahjen që Republika e Maqedonisë së Veriut ia jep Malit të Zi në rrugën e saj drejt integrimit në Bashkimin Evropian.

Ambasadorja e Malit të Zi znj.Marija Petroviç dhe zëvendës kryeministri i parë z.Artan Grubi ranë dakord që të dy vendet të vazhdojnë në mbajtjen e marrëdhënieve të mira dypalëshe dhe me këtë të përforcohet dhe bashkëpunimin ekonomik.