Nga Vendi
21 June 2021
Rikthimi i dasmave, Policia: Krismat nëpër dasma llogariten vepër penale e dënueshme deri në pesë vite burg

Pasi autoritetet njoftuan se sivjet në vendin tonë do të mund të organizohen ahengje familjare, Sektori për Punë të Brendshme – Tetovë u bën apel qytetarëve që të përmbahen nga të shtënat me armë, si dhe nga organizimi i paautorizuar i fishekzjarreve.

“Ky dhe dy muajt e ardhshëm, veçanërisht në korrik, në rajonin e gjerë të Pollogut janë planifikuar tashmë dhe do të organizohen një numër dasmash dhe festash të tjera. Festa të tilla vitet e fundit shpesh janë karakterizuar nga prishje të herëpashershme të rendit dhe qetësisë publike duke shtënë me armë zjarri ose fishekzjarre pa autorizim, dmth. përdorimi i mjeteve të ndryshme piroteknike, të cilat sanksionohen ligjërisht”, thotë policia.

Policia kujton se të shtënat janë në kundërshtim me Ligjin për Kundërvajtje kundër Rendit dhe Qetësisë Publike, dhe gjoba për këtë lloj të kundërvajtjes varion nga 200 deri në 500 euro (neni 31), dhe në varësi të pasojave, mund të shndërrohete dhe në vepër penale “shkaktim i rrezikut të përgjithshëm”, për të cilin parashikohet dënim me burg prej një deri në pesë vjet (neni 288 i Kodit Penal).

“Qytetarët udhëzohen gjithashtu që fishekzjarret e përdorura në dasmës duhet të raportohen në stacionet e policisë ose departamentet në zonën ku ata janë të organizuar, në varësi të kategorisë së tyre, dhe organizatorët duhet të marrin masat e parashikuara parandaluese në kohën e duhur”, paralajmëron policia.

Në muajt e ardhshëm, SPB-Tetovë njofton se do të forcojë ndjeshëm aktivitetet e kontrollit në drejtim të zbulimit dhe sanksionimit të shkeljeve të tilla të rendit dhe qetësisë publike dhe do të veprojë në mënyrë konkrete dhe efektive.



Të ndryshme
Më shumë
Arjola Demiri thotë se dëgjon sure të Kuranit kur udhëton me makinë18 October 2021
E kishte kërkuar gjithë jetën, babait i bie të fikët në mes të emisionit kur takon vajzën pas 38 vitesh21 June 2021
Komunat të merren me problemet reale, jo të shërbejnë populizëm në baza ditore, rekomandon biznesi 8 October 2021