Të dashur miq,

Me dhimbje ju njoftojmë se hoxha, mësuesi, mualimi, muhafizi i dyqind hafizave ia dorëzoi sot shpirtin Krijuesit të vet, All-llahut Fuqiplotë.

Pas një jete të stërmbushur me Kur’an, Mulla Mahmud Arsllani, i kënaqur me Zotin e vet, e dha pasditen e sotme amanetin.

Me pikëllimin që e humbëm, krah për krah, qëndron edhe krenaria që e patëm, mualimi më i mirë i botës.

Për molla Mahmudin do dëshmojnë mijëra nxënës para All-llahut Fuqiplotë.
Në këtë botë ku të gjithë rendim pas shokëve që na garantojnë dynjanë, ai zgjodhi shokun që i garanton ahiretin.

Të All-llahut jemi dhe te Ai, padyshim, është kthimi. Qoftë i xhennetit shpirti i ndritur i hoxhës.

P.S. Varrimi i hoxhës, me shumë gjasë, do bëhet nesër me namazin e iqindisë në Tetovë. Për çdo ndryshim eventual do përmirësojmë njoftimin në këtë postim