Kryeministri i Sllovenisë, Janez Jansha, sot para eurodeputetëve në Strasburg theksoi se është i mundur përparimi në procesin e zgjerimit me Shkupin dhe Tiranën në tetor nëse vendet anëtare bien dakord, raporton AIM nga Brukseli.

Kryeministri slloven tha se ai nuk i kuptonte vendet anëtare të BE-së që kundërshtojnë zgjerimin, por se ishte i nevojshëm një debat mbi temën, përcjell Telegrafi Maqedoni.

“Ekziston një dilemë në Evropë nëse zgjerimi ka rëndësi strategjike apo jo”, tha Jansha.

Ai theksoi se për mendimin e tij ky është rasti dhe se në pesëmbëdhjetë vitet e fundit BE jo vetëm që nuk është zgjeruar, por edhe është tkurrur. Ndërkohë, shtoi Jansha, forca të tjera po ndikojnë në rajonin e Ballkanit Perëndimor.

“BE bën hapa të mëdhenj përpara kur përqendrohet në gjërat, nëse zgjerimi bëhet tema e gjashtë në agjendë, ne kurrë nuk do të shkojmë në temë, nëse e ngremë çështjen do të jemi në gjendje të bëjmë hapa konkretë përpara, Shqipëria dhe Maqedonia e Veriut mund të shkojmë përpara në samitin e ardhshëm në nëse të gjithë përqendrohemi në këtë, Komisioni Evropian do të ndihmojë, por është një vendim politik”, tha kryeministri slloven./Telegrafi/