Raportuesit për Maqedoninë e Veriut në Parlamentin Evropian kërkojnë fushatë parazgjedhore të besueshme, transparente dhe objektive, pa lajme të rreme e kërcënime. Përmes një deklarate të përbashkët, euro-deputetët, Kyçyk, Shnajder dhe Valsman inkurajojnë autoritetet të mbajnë zgjedhje në përputhje me standardet ndërkombëtare dhe masat kundër pandemisë, në mënyrë që ta tejkalojnë këtë test për demokracinë e vendit. Mes tjerash theksojnë se qytetarët më 15 korrik do të përcaktojnë se kush do t’i udhëheq në 4 vitet e ardhshme, që do të jenë dhe thelbësore për negociatat për anëtarësim në BE. “Vazhdimi i dialogut ndër-partiak pas zgjedhjeve ka rëndësi të jashtëzakonshme. Anëtarit më të ri të NATO-s i nevojitet sinqeritet politik për të përparuar procesin e kosolidimit dhe transformimit demokratik”, thonë eurodeputetët duke nënvizuar se pas zgjedhjeve, do të nevojiten institucione funksionale dhe opozitë konstruktive për rimëkëmbje pas pandemisë.