Sot pritet të lirohen nga spitali në Slavonski Brod, 26 persona të cilët mbetën të lënduar nga aksidenti ku vdiqën 10 kosovarë, raporton Epress

Këtë e ka bërë të ditur mjeku Josip Samarxhiq nga spitali në Slavonski Brod.

“Dr. Josip Samadrži? nga spitali në Slavonski Brod na tha se 26 të plagosur në aksidentin e trafikut në 13:30 do të lirohen nga spitali dhe do të dërgohen për identifikim dhe strehim të përkohshëm derisa të merret një vendim përfundimtar nëse ndonjëri prej tyre do të vazhdojë udhëtimin e tyre në Kosovë ose për tu kthyer në Gjermani”, shkruajnë mediat kroate, raporton Express.

Samarxhiq tha se “dy pacientë me rrezik për jetën janë ende në njësitë e kujdesit intensiv dhe gjendja e tyre po monitorohet nga afër dhe i nënshtrohet metodave të kujdesit intensiv”.

“Dje, në orët e paradites, shtatë operacione u kryen te të lënduarit e aksidentit të djeshëm të trafikut, ndërsa gjatë ditës, 20-25 pacientë do të lirohen për trajtim në shtëpi “, tha Samarxhiq.

Tutje, mediat kroate shkruajnë se janë duke u diskutuar disa opsione për transoportin e të mbijetuarve nga aksidenti.

“Zbulojmë se disa opsione transporti po merren në konsideratë për transportin e të mbijetuarve nga aksidenti i autobusit, njëra prej tyre është një fluturim i jashtëzakonshëm charter nga Osijek në Kosovë”, shkruan 24sata.