Vigan Bardhi apo siç njihet me emrin artistik ‘Vig Poppa’, është rikthyer në tregun muzikor duke lansuar dy këngë.

‘Futja kepën, dhe ‘Alo’ ishin hitet që e rikthyen sërish pranë fansave të tij, shkruan Indeksonline.

Ai është zhvendosur për të jetuar në Suedi bashkë me familjen e tij.

Në një intervistë për Telegrafin, reperi u shpreh se edhe pse ka zgjedhur për të jetuar në Suedi, i është dashur të nis çdo gjë prej fillimit. Madje ai ceku se shkollimi në Kosovë nuk i ka vlejtur asgjë.

“Këto dy vitet e fundit jam duke u përgatitur për universitet në fakt. Shkollimi i Kosovës nuk më ka vlejtur asgjë në Suedi edhe shkaku i mos-njohjes së gjuhës mu ka dashur të bë gjithçka prej fillimit, kështu që jam ende në proces të përgatitjes për universitet. Muzikën për momentin e kam lënë pak anash, po gjithsesi do të punoj në muzikë në të ardhmen, sepse krijimi i muzikës është pjesë shumë e madhe e imja qe s’mundem ta injoroj”, ishte përgjigja e tij./Indeksonline/