Nga Rajoni
4 August 2021
Sejdiu: Rugovës ia bllokuan fondet, ai e dinte se lufta do të ndodhë

Ish-presidenti i Kosovës dhe ish-kryetari i LDK-së, Fatmir Sejdiu, i është kthyer debatit të vjetër lidhur me krahun e luftës dhe të paqes gjatë kohës së paraluftës në Kosovë.

Në rrëfimin për Pressing, Sejdiu ka thënë se Presidenti Rugova ishte i sigurt se lufta do të ndodhte.

Madje, sipas tij, Rugova për luftën e dinte që nga viti 1991, kur në Shqipëri kishte nisur stërvitja e celulave të para të Ushtrisë Çlirimtare të Kosovës, ku do të merrnin pjesë edhe Adem Jashari e Zahir Pajaziti.

“Unë them se shumëçka është keqinterpretuar, unë e di se Rugova, pavarësisht se e ka pasë moton apo ecjen e tij në paqe, gjithmonë e ka menduar se do të ndodh lufta. Ka qenë i bindur se ka me ndodh, ka qenë i bindur nga fillimi, nga ’91, kur kanë shkuar njerëzit që të përgaditen në Shqipëri. Kanë qenë disa qendra stërvitore atje, ku kanë shkuar edhe Adem Jashari e Zahir Pajaziti”, ka thënë Sejdiu në Pressing.

Ish-presidenti ka folur edhe për luftën speciale që ia bënin Rugovës gjatë asaj kohe, deri te bllokimi i fondeve të Presidencës. Sipas Sejdiut, kishte prapavija prej më të ndryshmeve për t’ia krijuar një imazh të keq Rugovës, përfshirë edhe përpjekjet që ai të paraqitjet si një shfrytëzues i papërgjegjshëm i buxhetit të qeverisë së asaj kohe.

“Ka qenë një pjesë që i kanë bërë anatemim Rugovës, gjë që i ka bërë dëm lëvizjes. E kanë luftuar Rugovën në mënyra të ndryshme, deri te bllokimi i fondeve për presidencën”, ka thënë Sejdiu.

Por Rugova ishte në dijeni për secilën prapavijë, sepse kishte burime të shumta informacione nga shumë anë, ka theksuar Sejdiu.



Të ndryshme
Më shumë
Pas hedhjes së parashutës së BBV-së, vjen reagimi i nënës së Trixës10 January 2022
MASH Maqedoni: Shpallet thirrja për financimin e projekteve hulumtuese të institucioneve shkencore, me interes të lartë strategjik dhe kombëtar 9 August 2021
Tensionet SHBA, Iran rrisin çmimin e naftës në tregjet botërore 8 May 2026