Adelina Tahiri ndodhet në Greqi me pushime dhe fansave vazhdimisht u ka servuar pamje të ndryshme por ata kanë vënë re mungesën e djalit të saj, Jon.

Gjersa po kalon ditë pushimi ajo ka hapur një bisedë me ndjekësit dhe mori kritika kur zbuloi se është me bashkëshortin por nuk kanë me vete djalin.

Ky detaj ka habitur disa prej fansave të Adelinës, dhe njëri prej tyre i ka shkruar i frustruar: “Si mundesh të rrish pa djalin për dy muaj?!”.

Këngëtarja i është përgjigjur ndjekësit duke thënë se në fakt Joni ndodhet në Greqi, por nuk shoqëron kudo mamin dhe babin.

“Djali është në Greqi me mua! Po, ne kemi shtëpi këtu dhe vendosemi për 3 muaj! Ndërkohë lëvizim në destinacione të ndryshme me burrin”, sqaron ajo.

Adelina ka treguar se Joni nuk mund të lëvizë, sepse ai është fëmijë i vogël dhe i shkatërrohet qetësia. “Joni ka rregullin e vet! Dhe mendoj që kur bëj pushime të shkurtra si psh ky tani 4-5 ditë nuk i bëj mirë! Sepse është akoma bebe dhe i shkatërroj qetësinë!”, shkruan ajo.