“CNN” ka ndarë një histori prekëse të një nëne nga Afganistani e cila përfundoi e vrarë nga duart e talibanëve.

 Najia ishte në shtëpi me tre djemtë dhe vajzën e saj të vogël në një fshat të vogël në Afganistanin verior, kur luftëtarët talebanë trokitën në derën e tyre.

Vajza e Najias, Manizha, 25 vjeç, e dinte që ata do të vinin sepse kishin bërë të njëjtën gjë për tre ditë radhazi. Ata i kërkonin që nëna të gatuante ushqim për 15 luftëtarë.

“Nëna ime u tha atyre,”Unë jam e varfër, si mund të gatuaj për ju”? Talibanët filluan ta rrahin. Nëna ime u rrëzua dhe ata e goditën me armët e tyre – AK47”, Tha Manizha.

Manizha tha se ajo u bërtiti luftëtarëve të ndalonin. Ata u ndalën për një moment para se të hidhnin një granatë në dhomën tjetër dhe të iknin ndërsa flakët u përhapën. Nëna e katër fëmijëve vdiq nga rrahja.

Sulmi vdekjeprurës i 12 Korrikut në shtëpinë e Najia -s në provincën Faryab ishte një pamje tronditëse e kërcënimit me të cilin përballen tani gratë në të gjithë Afganistanin pas marrjes nën kontroll të kryeqytetit Kabul nga ana e talebanëve.

“CNN” ka përdor pseudonimet për Najia dhe Manizha për të mbrojtur identitetin e tyre për arsye sigurie.

Në 10 ditë, militantët talebanë pushtuan dhjetëra qytete krahinore të lëna të prekshme nga tërheqja e trupave amerikane dhe aleate. Shpejtësia e militantëve i kapi banorët vendas në befasi.

Disa gra thanë se nuk kishin kohë për të blerë një burkë në përputhje me rregullat e talebanëve që ato duhej të mbuloheshin dhe të shoqëroheshin nga një i afërm mashkull kur të dilnin nga shtëpia.

Për gratë e Afganistanit, burka përfaqëson humbjen e papritur dhe shkatërruese të të drejtave të fituara gjatë 20 viteve,  e drejta për të punuar, studiuar, lëvizur dhe madje edhe për të jetuar në paqe.