Sollëm vendim t’ua shtrijmë dorën atyre të cilët për momentin kanë më së shumti nevojë. Ata janë njerëzit nga Afganistani, aleatë tanë dhe familjet e tyre, theksoi në postimin në fejsbuk, ministri i Punëve të Jashtme, Bujar Osmani.

Të jesh solidar, shkruan Osmani, nuk do të thotë vetëm të përsëriten mesazhet për solidaritet, por të ndërmerren veprime kur është kjo e nevojshme, veçanërisht ndaj atyre të cilëve kjo u është e nevojshme!.

“Ne jemi shtet solidar dhe këtë e kemi treguar shumë herë deri më tani. Nuk bëjmë asgjë ndryshe e as tani. Sollëm vendim t’ua shtrijmë dorën atyre që kanë më shumë nevojë për momentin. Ata janë njerëzit nga Afganistani, aleatë tanë dhe familjet e tyre. Këta janë miqtë tanë, njerëz si ne, të cilët i ndajnë vlerat tona, dhe të cilëve jo për fajin e tyre u rrezikohet jeta dhe siguria e tyre. Dhe këtë nuk e bëjmë vetëm, por ky është reflektim i solidaritetit tone së bashku me aleatët tanë – sepse jemi partnerë edhe në të mirë edhe në të keqe. Së bashku kemi hyrë dhe së bashku dolëm nga Afganistani – dhe tani së bashku do ta kalojmë edhe këtë krizë, edhe këtë sfidë. Nesër është dita kombëtare e Afganistanit. Duke ua uruar dorën të gjithë afganëve, dua të porosis – Republika e Maqedonisë së Veriut mbetet miku juaj”, qëndron në postimin e Osmanit.