Drejtori i Entit Shtetëror për Statistika Apostol Simovski mbrëmë për “Kanal5” deklaroi se do të ketë përgjegjësi kundërvajtëse për të gjithë ato persona që do të refuzojnë të regjistrohen.

“Ne të gjithë duhet të kuptojmë se ky është një aktivitet i detyrueshëm. Ky është një detyrim ligjor, kjo nuk është një e drejtë, ky është një detyrim dhe ne duhet të jemi pjesë e këtij procesi. Dhe është kudo në botë, ne nuk jemi përjashtim. Kushdo që përpiqet, për çfarëdo arsye, me kusht që të respektojmë të gjithë protokollet e përshkruara që kemi për mënyrën e regjistrimit, nëse dikush refuzon të regjistrohet dhe të respektohen të gjithë protokollet, atëherë ai do të mbajë pasojat.

Ligji parashikon përgjegjësi kundërvajtëse dhe nuk ka dilema apo falje për askënd”, tha Apostol Simovski.

Ai siguroi se të gjithë regjistruesit do të mbajnë maskë mbrojtëse, shumica do të vaksinohen dhe do të jetë e mundur të regjistrohen jashtë shtëpive, pra para një ndërtese ose në oborr.

“Sot kemi një revoltë në vend sepse qytetarët e pavaksinuar nuk mund të hyjnë në lokal, dhe ata thonë se nuk do ta pranojnë regjistruesin nëse ai nuk është i vaksinuar. Nëse ai regjistrues nuk mban maskë, nuk respekton protokollet, atëherë ai absolutisht duhet të raportohet dhe do të dënohet rëndë. Një punë e tillë mbart përgjegjësi penale. Sidoqoftë, nëse i plotëson kriteret dhe njerëzit refuzojnë të regjistrohen, atëherë ata do të mbajnë pasojat”, tha Simovski./Telegrafi/