Të martën, 31 gusht, skadon afati për aplikimin për racion studentor të subvencionuar për të gjithë studentët e rregullt në universitetet shtetërore dhe private në vend, njoftojnë nga Ministria e Arsimit dhe Shkencës.

“Ne u bëjmë thirrje studentëve aktualë, sot dhe nesër të plotësojnë aplikimin, në mënyrë që ata të marrin pagesën e parë në vlerë prej 2,400 denarë në fillim të tetorit të këtij viti. Afati i ardhshëm i aplikimit për këtë subvencion është nga 1 deri më 31 tetor 2021, për studentët nga viti i ri akademik dhe ata që nuk janë regjistruar në semestrin veror”, thonë nga MASh-i.

Mënyra e aplikimit është online, pra regjistrimi bëhet në mënyrë elektronike përmes portalit www.e-uslugi.mon.gov.mk dhe shumë thjesht, duke i bashkangjitur vetëm dy dokumente – aplikimi dhe deklarata për saktësinë e të dhënave dhe të dhënat e llogarisë personale të transaksionit.

“Racioni i subvencionuar i studentëve është një zgjidhje sistematike e rregulluar me ligj, e cila lehtëson ndjeshëm jetën e të rinjve gjatë studimeve të tyre, pra ata marrin 2,400 denarë për 9 muaj të vitit, mjete të dedikuara për blerjen e racioneve të shëndetshme. Sipas vlerësimeve të MASH, ne presim që kjo e drejtë të përdoret nga rreth 40,000 studentë”, thuhet më tej në kumtesë.

Deri më tani, 15,627 studentë kanë aplikuar për përdorimin e racionit të subvencionuar të studentëve./TV21