Një informim jo i drejtë qoftë edhe pa ndonjë tendencë sidomos në raste shumë prekëse kur kemi të bëjmë me vdekjet nga pandemia mund ti jep kahje tjetër çdo gjëje kur dihet se familjarët e shumtë sot janë pushtuar nga dhimbje të shumta për humbjen e më të dashurve të tyre shkruan Tetovasot.

Një rast i përmasave të tilla është edhe vdekja e 4 anëtarëve të një familjeje, rast shumë i rëndë por që tre prej tyre kanë ndërruar jetë në shtëpi dhe jo siç thuhet në Spital.

Në informacionin paraprak thuhej se katër anëtarë të së njëjtës familje vdiqën në Qendrën Covid në spitalin e Tetovës, por autoritetet thanë se vetëm një prej tyre ka ndërruar jetë në spital ndërsa tre të tjerë në shtëpi.
Të katër pacientët ishin nga e njëjta familje dhe sipas anketës epidemiologjike, ata raportuan se morën pjesë në një festë martese dhe vdiqën brenda një jave. TS