Pandemia nga Covid-19 sipas kryeministrit Zoran Zaev u ka shkaktuar traumë psikologjike qytetarëve dhe ata kanë nevojë për diçka pozitive – sikurse janë promovimi i projekteve të rëndësishme për ata.

“Është me rëndësi që qytetarët të dinë se çfarë është bërë. Unë para disa ditësh kam qenë edhe me kryetarin e Kavadarit, i cili është i VMRO-DPMNE-së”, tha Zaev, transmeton TV21.

Thotë se promovimet edhe pse bëhen në prag të fushatës zgjedhore, janë në kuadër të ligjit.

“Ne e respektojmë ligjin. Duam që qytetarëve t’u tregojmë diçka të mirë dhe pozitive. Trauma psikologjike nga pandemia duhet të riparohet disi dhe ajo mund të bëhet vetëm me gjëra të bukura”, tha Zaev në ngjarjen e hapjes së Tregut të Bit Pazarit.