Snezhana Kaleska nga LSDM e ftuar në “Rruga drejt”, duke folur për temën e tragjedisë të ndodhur në Tetovë, tha se askush nuk është i pazëvendësueshëm. Por ajo tha se për momentin zgjidhja nuk është te shkarkimi i Ministrit apo i zëvendës ministrit.

“Çfarë do të ndodhte në këtë shtet nëse varemi vetëm nga tre ose pesë njerëz? Nuk bëhet fjalë për këtë, por për atë se dikush ka perceptim se kjo është më e duhura për momentin. Pra, Qeveria, kryeministri dhe ne vlerësojmë se në këtë moment kjo nuk është e duhura, që të merremi me të gjitha këto pasoja… Nuk është shkas vetëm tragjedia e Tetovës”, tha Kaleska.