Punonjësit e policisë të SPB Tetovë-Departamenti i Punëve të Brendshme Gostivar, dje (14-tetor) rreth orës 17:30, në rrugën “Major Çede Filipovski” në Gostivar, e kanë privuar nga liria 56-vjeçarin F.B. nga Raveni i Gostivarit, i cili më parë kishte sulmuar fizikisht 62-vjeçarin B.B. dhe djalin e tij D.B. (36) nga Gostivari.

Ai është ndaluar në Stacionin Policor të Gostivarit për sqarim të plotë dhe dokumentim të rastit.