Kryeministri i Kosovës në një konferencë për media ka thënë se kanë përgatitur një sërë masash në kuadër të pakos së ringjalljes ekonomike.

Kurti ka thënë se ekonomia e vendit tonë asnjëherë nuk ka përjetuar një rritje sikurse këtë vit, me rreth 10 përqind derisa ka thënë se këtë duhet ta ndjekim me një rritje të prodhimtarisë dhe eksportit, shkruan Reporteri.net.

“Ekonomia e vendit tonë asnjëherë nuk ka përjetuar një rritje sikurse këtë vit rreth 10 përqind dhe këtë duhet ta ndjekim me një rritje të prodhimtarisë dhe eksportit. Rritja dhe zhvillimi i prodhimtarisë është motori kryesor i zhvillimit të një vendi. Pasojat ekonomike të pandemisë që po përcillen edhe me luhatje të çmimeve, dhe pandemia na dëshmoi se prodhimi vendor ka rol kyç në ekonomi. Nga komunikimet me bizneset prodhuese çdoherë na është thënë se një nga problemet kryesore është qasja në financa. Kemi përgatitur një sërë masash në kuadër të pakos së ringjalljes ekonomike”, u shpreh Kurti. /Reporteri.net