Një incident zjarri është raportuar mbrëmjen e kaluar në bulevardin “Video Smilevski-Bato”, ku një automjet është përfshirë nga flakët, njoftoi Qendra Rajonale për Menaxhim me Kriza (QRMK).

Sipas të dhënave zyrtare, në vendngjarje kanë ndërhyrë forcat e Brigadës Kundër Zjarreve të Qytetit të Shkupit me tre zjarrfikës dhe një automjet zjarrfikës. Falë reagimit të shpejtë, zjarri është vënë nën kontroll pa u përhapur në ambientet përreth.

Dëmi material i shkaktuar nga zjarri është vlerësuar rreth 9.000 denarë. Deri më tani nuk raportohet për persona të lënduar.

Shkaqet e zjarrit nuk janë bërë ende të ditura, ndërsa autoritetet përkatëse kanë nisur hetimet për të zbardhur rrethanat e ngjarjes./Almakpress