Lideri i Bashkimit Demokratik për Integrim (BDI), Ali Ahmeti, përmes një postimi në profilin e tij zyrtar në Facebook, ka njoftuar për hapjen e shtabit zgjedhor të Besëlidhjes në Tearcë, duke e cilësuar këtë si një hap domethënës në fushatën për zgjedhjet lokale të 19 tetorit. Ahmeti thekson se në çdo komunë shqiptarët po i bashkohen këtij “misioni të shenjtë” për mbrojtjen e dinjitetit dhe krenarisë kombëtare.

“Këto nuk janë vetëm zgjedhje lokale. Jo! Janë një betejë mes dy rrugëve, ose votojmë për ta rikthyer krenarinë tonë kombëtare, ose pranojmë të mbetemi argatë e hyzmeqarë të të tjerëve,” shkruan Ahmeti.

Ai bën thirrje për mobilizim të përgjithshëm në ditën e votimeve: “Më 19 tetor, #BASHKË do të votojmë fuqishëm, me zemër e me shpirt, për të ruajtur çdo arritje që është paguar me gjakun e dëshmorëve tanë.”

Mesazhi përmbyllet me tone optimiste dhe mobilizuese:“Fitorja është e jona, sepse e drejta është në anën tonë!”/Almakpress