Shorti i shumëpritur i fazës play-off për kualifikimin në Kupën e Botës 2026 afrohet dhe vëmendja në Shqipëri është e përqendruar pikërisht te kundërshtarët e mundshëm që do të përcaktohen më 20 nëntor. Skuadra kuqezi, e cila e siguroi pjesëmarrjen në këtë fazë falë vendit të dytë në grup, është pjesë e vazos së tretë, çka do të thotë se ndeshjen e gjysmëfinales do ta luajë në transfertë.
Në bazë të përllogaritjeve të deritanishme dhe renditjes së FIFA-s, kuqezinjtë mund të përballen me një nga këto skuadra të fazës së dytë dhe të parë të shortit:
Nga Vazoja e Dytë (luajnë në shtëpi):
Të gjitha këto përfaqësuese përbëjnë kundërshtarë të fortë dhe me traditë, ku përballja jashtë fushe e rrit edhe më shumë vështirësinë. Skocia dhe Irlanda njihen për atmosferën elektrizuese në shtëpi, ndërsa Çekia dhe Sllovakia janë kombëtare të disiplinuara e me eksperiencë në ndeshje vendimtare.
Nga Vazoja e Parë (nëse shorti e çon Shqipërinë drejt tyre në finale):
Nëse kuqezinjtë kalojnë gjysmëfinalen, një nga këto katër gjigantë të futbollit europian mund të shfaqet në rrugën drejt Botërorit. Italia, me ‘yjet’ e saj, është gjithmonë favorite; Polonia dhe Turqia janë skuadra fizike e me eksperiencë; ndërsa Ukraina ka ndërtuar një brez të ri shumë konkurrues.
Vazoja e Katërt (nuk përballen me Shqipërinë në gjysmëfinale, por vetëm në finale nëse rrugët përputhen):
Rumania ka ardhur në play-off si fituese e grupit të Ligës së Kombeve, ndërsa Suedia dhe Irlanda e Veriut janë skuadra me shumë intensitet fizik. Maqedonia e Veriut dhe Uellsi mbeten rivalë të paparashikueshëm, të aftë të prodhojnë surpriza.
Si funksionon shorti?
Shorti është i strukturuar në mënyrë të tillë që:
Skuadrat e Vazos së parë dhe e dytë luajnë në shtëpi në gjysmëfinale. Skuadrat e Vazos së tretë dhe të katërt luajnë në transfertë, ndaj Shqipëria është e sigurt se do të niset jashtë vendit për ndeshjen e saj të parë.
Finalja e grupeve të play-off-it nuk varet nga Vazot: më 20 nëntor do të vendoset me short se kush e pret ndeshjen vendimtare. Kjo do të thotë se, edhe një skuadër e Vazos së parë mund të detyrohet të luajë finalen jashtë fushe.
Kur zhvillohen ndeshjet?
26 mars 2026 – Gjysmëfinalet e play-off-it.
31 mars 2026 – Finalet që do të përcaktojnë katër kombëtaret evropiane të fundit që do të shkojnë në Kupën e Botës 2026 në SHBA, Kanada dhe Meksikë.
Shqipëria e Sylvinhos e pret shortin me ambicie dhe besim. Me frymën dhe energjinë që skuadra ka treguar gjatë kualifikimeve, kuqezinjtë do të hyjnë në play-off me bindjen se Botërori është një objektiv real, pavarësisht vështirësisë së kundërshtarëve të mundshëm.
