Në ceremoninë mortore, të realizuar si një homazh artistik në Tetovë, morën pjesë emra të njohur të skenës muzikore shqiptare, mes tyre Erik Lloshi, Tuna, Big Mama, Labi, Dafina Zeqiri, Blero, Bes Kallaku dhe shumë artistë të tjerë. Të gjithë të veshur në të zeza dhe të emocionuar, ata dëshmuan edhe një herë dimensionin njerëzor dhe artistik të Shpat Kasapit, një figure të dashur për publikun dhe kolegët e tij. Artistët e pranishëm e kujtuan këngëtarin tetovar si një njeri të qeshur, të përzemërt dhe të përkushtuar ndaj muzikës, duke theksuar se kujtimet me të do të mbeten të çmuara për secilin prej tyre.