Një akt i rrallë humaniteti ka ardhur nga drejtori sportiv i Milanit, Igli Tare, i cili është angazhuar personalisht në procesin e transportimit të trupit të këngëtarit të ndjerë Shpat Kasapi nga Italia drejt Maqedonisë së Veriut. Familja e artistit, përmes vëllait të tij Albinit, ka njoftuar për Sportmania se ndërhyrja e Tares ka qenë vendimtare për përshpejtimin e procedurave, duke bërë të mundur që kthimi i trupit të realizohej në kohë rekord. Ky gjest i ndjeshëm dhe fisnik është pritur me mirënjohje të thellë nga familjarët dhe është vlerësuar gjerësisht nga opinioni publik, si shembull i solidaritetit dhe mbështetjes në momente të vështira.