Kryetari i Kuvendit të Republikës së Maqedonisë së Veriut, Afrim Gashi, do të marrë pjesë në Forumin e Dohas 2025, që do të mbahet nga 5 deri më 8 dhjetor 2025 në Doha, Katar.

Siç njofton shërbimi për shtyp i Kuvendit, tema e forumit të sivjetëm është: “Drejtësia në veprim: më shumë se vetëm një premtim për përparim”.

Në kuadër të aktivitetit, në margjinat e Forumit të Dohas, kryetari i Kuvendit do të realizojë takime me homologun e tij, Hasan bin Abdullah Al-Ganim, kryetar i Këshillit të Shuras së Shtetit të Katarit, pastaj me Sultan bin Saad Al-Muraiki, ministër shtetëror për Punë të Jashtme të Katarit, si dhe me sheiken Al Mayassa bint Hamad bin Khalifa Al Thani, kryetare e muzeve dhe trashëgimisë kulturore të Katarit.