Inspektimi i jashtëzakonshëm në Klinikën e Gjinekologjisë nga ana e Inspektoratit Shëndetësor, pas vdekjes së foshnjës, nuk ka zbardhur detaje nga trajtimi mjekësor i foshnjës. I njëjti vetëm ka dokumentuar historikun nga dita e pranimit dhe mënyra se si është trajtuar foshnja e lindur para kohe. Çdo gabim eventual në trajtimin e foshnjës duhet të konstatohet nga një komision profesional, të cilin inspektorati ka kërkuar të formohet.

“Është kërkuar për obduksion deri tek Instituti i Patologjisë në Fakultetin e Mjekësisë, por deri në ditën kur është bërë inspektimi i jashtëzakonshëm nuk është përgatitur raporti i obduksionit… Komisioni për Monitorimin dhe Përmirësimin e Cilësisë së Kujdesit Shëndetësor në klinikë u mblodh gjithashtu për rastin më 14 tetor dhe më 28 tetor, në përputhje me ligjin. Nga ana e inspektoratit është siguruar dokumentacion i plotë dhe tek ministri i shëndetësisë është iniciuar që të formojë komision për inspektim profesional” , deklaroi Kirill Llazov, drejtor i Inspektorati Shëndetësor. /Alsat.mk