Me një ceremoni solemne dhe në prani të anëtarëve, simpatizantëve dhe mysafirëve të shumtë, Lëvizja Arbëria hapi Zyrën e saj në ambientet e Qendrës Tregtare “Mavrovasja” në Shkup. Ngjarja u shënua edhe nga pjesëmarrja e liderëve të koalicionit VLEN, të cilët me praninë e tyre i dhanë peshë politike dhe simbolike këtij momenti.

Hapja e Zyrës përfaqëson një hap të rëndësishëm në organizimin dhe angazhimin publik të Lëvizjes Arbëria, me fokus në forcimin e zërit politik dhe përfaqësimin e interesit qytetar. Pas ceremonisë, u mbajt edhe një konferencë për shtyp, ku u prezantuan qëndrimet, objektivat dhe aktivitetet e ardhshme të lëvizjes. ALMAKpress