Gjykata Themelore e Prishtinës i ka vazhduar edhe për dy muaj masën e paraburgimit Fatmir Shehollit, i arrestuar më 9 tetor nën dyshimin për spiunazh. Vendimi është marrë pas aprovimit të kërkesës së Prokurorisë Speciale të Republikës së Kosovës. Lajmin e ka konfirmuar për Klankosova.tv zëdhënësja e Gjykatës Themelore të Prishtinës, Mirlinda Gashi, e cila bëri të ditur se gjyqtari i procedurës paraprake ka aprovuar kërkesën e PSRK-së. Sipas aktvendimit të datës 09.01.2026, paraburgimi i të pandehurit F.SH. do të zgjasë deri më 09.03.2026. Sheholli dyshohet se ka kryer veprën penale të spiunazhit në vazhdimësi.