Koordinatori i grupit parlamentar të VLEN, Bekim Qoku, ka hedhur poshtë pretendimet për mospajtime mes drejtuesve të koalicionit. Ai ka theksuar se katër liderët e VLEN-it kanë marrëdhënie korrekte dhe bashkëpunuese, duke funksionuar në një klimë mirëkuptimi dhe dialogu të vazhdueshëm.

Në prononcimin e tij, Qoku u shpreh se komunikimi mes liderëve është pozitiv dhe i orientuar drejt zgjidhjeve, çka sipas tij e bën edhe më të ndërlikuar zgjedhjen e një drejtuesi të vetëm, në rast se VLEN shndërrohet në subjekt politik. Ai nënvizoi se kjo situatë pasqyron stabilitet dhe kohezion të brendshëm brenda koalicionit.