Kryetari i Bashkimit Demokratik për Integrim, Ali Ahmeti, sot priti në vizitë Ambasadoren e Norvegjisë, znj. Kristin Melsom, e akredituar për Maqedoninë e Veriut, Serbinë dhe Malin e Zi, me seli në Ambasadën e Mbretërisë së Norvegjisë në Beograd.

Gjatë takimit u diskutua për zhvillimet aktuale politike në vend, në rajon dhe më gjerë, si dhe për proceset integruese dhe rëndësinë e ruajtjes së stabilitetit rajonal.

Ahmeti theksoi se anëtarësimi i Maqedonisë së Veriut në Bashkimin Evropian është i domosdoshëm dhe se ky proces duhet të realizohet sa më parë, duke e cilësuar atë si interes strategjik për të ardhmen evropiane të vendit.