Gazetari dhe moderatori Milaim Zeka vjen me një format të ri televiziv në RTV Dukagjini. Emisioni “Burra dhe Gra” nis transmetimin nga nesër dhe do të shfaqet çdo mbrëmje në prime time, nga ora 20:00.

Formati fokusohet në tema sociale, marrëdhënie njerëzore dhe përballje mendimesh mes gjinive, përmes debateve të drejtpërdrejta dhe historive reale. Pjesë e panelit të përhershëm janë Arjola Demiri, Ylli Dreshaj, Jehona Shaqiri dhe Mirlinda Dreshaj, të cilët do të sjellin këndvështrime të ndryshme në çdo episod.

“Burra dhe Gra” synon të hapë diskutime të guximshme dhe të vendosë në qendër temat që shpesh shmangen në shoqëri.