Shqipëria është përfshirë nga disa lëkundje sizmike të lehta gjatë ditës së enjte. Qendra Sizmologjike Evropiane Mesdhetare (EMSC) ka bërë të ditur se tre tërmete janë regjistruar brenda një intervali prej rreth 20 minutash.

Sipas të dhënave zyrtare, tërmetet kishin magnitudë 3.1, 2.3 dhe 2.6 ballë, ndërsa lëkundjet janë shënuar në periudhën 14:55 – 15:15.

Autoritetet bëjnë me dije se tërmetet janë vlerësuar si të dobëta dhe nuk ka raportime për dëme materiale apo persona të lënduar.