Prej ditës së djeshme, ish-presidenti i Shqipërisë Alfred Moisiu ndodhet i shtruar në spitalin “Nënë Tereza”, në repartin e reanimacionit, pasi është paraqitur me probleme në frymëmarrje. Gazetarja e Top Channel, Alma Demiraj, raporton se gjendja e ish-kreut të shtetit paraqitet e qëndrueshme.

Pas konsultës së zhvilluar ditën e sotme, mjekët e ekipit të aritmologjisë kanë vendosur t’i vendosin një pacemaker me dy dhoma. Pajisja ndihmon në rregullimin e ritmit të zemrës, pasi Moisiu vuante nga rrahje të ngadalta të zemrës, të njohura si bllok atrioventrikular, i lidhur me moshën.

Aktualisht, gjendja e tij shëndetësore është e qëndrueshme dhe në përmirësim.