Kryetarja e Komunës së Preshevës, Ardita Sinani, ka përkujtuar sot përmes një postimi në rrjetet e saj sociale hapjen e shkollës së parë shqipe në Preshevë, një moment historik për arsimin dhe identitetin kombëtar.

Duke iu referuar datës 7 shkurt 1945, Sinani thekson rëndësinë e këtij hapi për dijen dhe ruajtjen e substancës kombëtare, si dhe rolin që kjo vatër mësimi ka pasur në edukimin e brezave dhe në mbajtjen gjallë të gjuhës e shpirtit shqiptar.

“Nga ajo vatër mësimi nisën breza që mbajtën gjallë gjuhën dhe shpirtin shqiptar. Sot nderojmë arsimin shqip dhe vlerën e tij për të kaluarën, të tashmen dhe të ardhmen tonë”, shkruan Sinani.