Hyrja e Luizit në shtëpinë e Big Brother VIP 5 nuk është pritur mirë nga Rogerti, i cili që në orët e para ka nisur një debat të ashpër me fituesin e edicionit të dytë të BBV.

Përplasja mes dy banorëve ka ndodhur gjatë darkës pas Prime-it, ku tensionet u përshkallëzuan shpejt dhe debati kaloi në tone të rënda verbale.

Rogerti iu drejtua Luizit me fjalë të ashpra, duke i kërkuar që të mos e prekte më me dorë, ndërsa përdori edhe kërcënime verbale, duke theksuar se nuk dëshiron asnjë lloj provokimi. Ai i kërkoi Luizit që, nëse do të luante, ta bënte “si zotëri”.

Nga ana tjetër, Luizi reagoi duke i thënë Rogertit se me sjelljen e tij po “ia nxinte fytyrën babait”, ndërsa shprehu respekt për familjen Sterkaj, duke theksuar se i njeh si njerëz të mirë.

Debati u mbyll me reagimin e ashpër të Rogertit, i cili refuzoi çdo koment mbi mbiemrin dhe familjen e tij, duke e konsideruar ndërhyrjen e Luizit si provokim.

Përplasja ka shkaktuar reagime të shumta në rrjetet sociale, ndërsa mbetet për t’u parë nëse tensionet mes dy banorëve do të vijojnë edhe në ditët në vazhdim.