Alessio është një nga konkurrentët që ka tërhequr vëmendje në edicionin e pestë të Big Brother VIP Albania, jo vetëm për prezencën e tij fizike, por për historinë e jetës që mbart pas vetes.

I lindur në Tropojë, ai u largua shumë herët drejt Perëndimit, në kërkim të një jete më të mirë. Rrugëtimi i tij nuk ka qenë i lehtë, i shoqëruar me vështirësi, sakrifica dhe sfida që i kanë forcuar karakterin dhe ambicien për të ecur përpara.

Hapat e parë në karrierë i hodhi në Itali, ku nisi të punonte si model. Fiziku i tij prej malesori tipik, me tipare të forta dhe prezencë të spikatur, tërhoqi vëmendjen e agjentëve të modës dhe agjencive prestigjioze ndërkombëtare. Kjo i hapi dyert për një kapitull të ri në jetën e tij.

Më pas, Alessio vazhdoi rrugëtimin në Australi, ku jo vetëm që u konsolidua në botën e modës, por u përfshi edhe në menaxhimin e klubeve dhe eventeve elitare. Ai u bë pjesë e organizimeve ku performojnë super emra të muzikës botërore, duke ndërtuar një profil profesional në industrinë e argëtimit ndërkombëtar.

Sot, Alessio konsiderohet një nga emrat dinjitozë dhe përfaqësues të Shqipërisë në arenën ndërkombëtare, një histori suksesi që nis nga malet e Tropojës dhe shtrihet në metropolet e botës.

Në shtëpinë e Big Brother VIP Albania 5, ai sjell jo vetëm eksperiencën e tij globale, por edhe identitetin, krenarinë dhe rrënjët shqiptare që e kanë formësuar.