Prishtinë – Kryeministri Albin Kurti ka theksuar se zgjedhja e Presidentit të ri të Kosovës kërkon dialog dhe konsensus politik, duke nënvizuar se Lëvizja Vetëvendosje aktualisht nuk ka një kandidat të propozuar nga brenda strukturave të saj për këtë post.

Deklaratat u bënë pas një takimi me kreun e Lidhja Demokratike e Kosovës, Lumir Abdixhiku, ku u diskutuan zhvillimet politike, situata e sigurisë dhe marrëdhëniet ndërkombëtare, si dhe procesi i zgjedhjes së kreut të shtetit.

Sipas Kurtit, politika kosovare ka përpara dy alternativa: të gjendet një emër i përbashkët që siguron shumicën e nevojshme në Kuvend, ose të arrihet një marrëveshje politike ndërmjet partive për ta përmbyllur procesin brenda afatit kushtetues.