Presidentja e Kosovës, Vjosa Osmani, zhvilloi sot një takim me Ministren për Evropën dhe Punët e Jashtme të Shqipërisë, Elisa Spiropali, ku në fokus ishte forcimi i mëtejshëm i bashkëpunimit ndërmjet dy vendeve. Gjatë takimit, Osmani e falënderoi Shqipërinë për mbështetjen e vazhdueshme ndaj Kosovës, duke theksuar se marrëdhëniet mes dy shteteve janë vëllazërore, strategjike, të natyrshme dhe të pazëvendësueshme.

Në deklarimet pas takimit u nënvizua se Kosova dhe Shqipëria mbeten më të forta kur veprojnë së bashku për interesat shtetërore, për ruajtjen e paqes dhe për ndërtimin e një të ardhmeje më të sigurt në rajon dhe më gjerë. Takimi u vlerësua si një tjetër hap në thellimin e partneritetit të ngushtë mes dy vendeve.