Presidenti i Republikës së Shqipërisë, Bajram Begaj, sot dhe nesër do të qëndrojë për vizitë zyrtare në Maqedonia e Veriut, ku do të zhvillojë një sërë takimesh me drejtues të lartë shtetërorë dhe lokalë.

Gjatë qëndrimit në Shkup, Begaj do të pritet nga Presidentja Gordana Siljanovska-Davkova, me të cilën do të diskutojë për thellimin e bashkëpunimit dypalësh dhe forcimin e marrëdhënieve mes dy vendeve.

Në kuadër të agjendës, Presidenti shqiptar do të takohet edhe me Kryetarin e Komunës së Çairit, Izet Mexhiti. Komuna e Çairit ka njoftuar se pritja do të realizohet me ceremoni zyrtare, në frymën e promovimit të bashkëpunimit institucional dhe konsolidimit të marrëdhënieve të shkëlqyera mes dy shteteve.

Pas takimeve institucionale, delegacioni do të vizitojë Xhamia Mustafa Pashë dhe do të ndalet në Çarshia e Vjetër, ku do të vendosen lule te monumenti i heroit kombëtar Gjergj Kastriot Skënderbeu. Ceremonia do të pasohet nga interpretimi i himnit kombëtar dhe një program kulturor artistik nga Ansambli Shtetëror.

Vizita e Begajt konsiderohet një moment i rëndësishëm në raportet mes Tiranës dhe Shkupit, me fokus në thellimin e bashkëpunimit politik, kulturor dhe institucional.