Komuna e Çair ka hedhur një hap të ri drejt bashkëpunimit ndërkombëtar, duke pritur në një takim zyrtar Kryetarin e Komunës Kağıthane, Mevlut Öztekin, së bashku me dy nënkryetarë dhe këshilltarë të tij.

Kağıthane, një nga komunat më dinamike dhe me rëndësi strategjike të Stamboll, vlerësohet si partner kyç në zhvillimin urban, kulturor dhe qytetar, çka e bën këtë bashkëpunim një hap të rëndësishëm për të ardhmen e dy komunave.

Gjatë takimit u diskutuan mundësitë për thellimin e bashkëpunimit ndërkomunal, shkëmbimin e përvojave institucionale dhe realizimin e projekteve të përbashkëta, me theks të veçantë në partneritetet me sektorin civil. Palët theksuan rëndësinë e iniciativave që mbështesin zhvillimin lokal, kulturën dhe rininë.

Takimi u zhvillua në frymë konstruktive, duke konsoliduar angazhimin për projekte konkrete që synojnë forcimin e lidhjeve mes komunave dhe sjelljen e rezultateve të prekshme për qytetarët.