Futbollisti portugez Cristiano Ronaldo është larguar nga Arabia Saudite me avionin e tij privat, duke udhëtuar drejt Madrid, në një kohë kur situata e sigurisë në rajon është përkeqësuar ndjeshëm.

Sipas raportimeve, largimi i tij ka ardhur pas një serie sulmesh me dronë iranianë ndaj Ambasadës së Shteteve të Bashkuara të Amerikës në Riyadh, çka ka rritur tensionet diplomatike dhe shqetësimet për sigurinë e qytetarëve dhe të huajve që ndodhen në vend.

Avioni privat i Ronaldos, modeli Bombardier Global Express, është nisur nga Riyadh dhe ka mbërritur në Madrid pas një fluturimi që ka zgjatur rreth shtatë orë. Deri më tani nuk ka konfirmim zyrtar nëse me të kanë udhëtuar edhe partnerja e tij, Georgina Rodríguez, si dhe pesë fëmijët e tyre.

Mediat ndërkombëtare raportojnë se shumë shtetas të huaj po përdorin avionë privatë për t’u larguar nga rajoni, për shkak të pasigurisë së krijuar pas zhvillimeve të fundit.