Një grabitje e organizuar në stil mafioz tronditi Fremont, Kaliforni, kur një grup prej rreth 20 grabitësish të maskuar hyri me forcë në dyqanin e bizhuterive “Kumar” dhe mori mallra me vlerë mbi 1.4 milion dollarë brenda vetëm një minute. Sipas autoriteteve amerikane, grabitësit përdorën çekiçë për të thyer vitrinat dhe arritën të marrin rreth 75% deri në 80% të bizhuterive të ekspozuara.

Pamjet e publikuara nga Departamenti Amerikan i Drejtësisë tregojnë momentin kur automjete ndalojnë jashtë dyqanit dhe burrat e maskuar zbresin me shpejtësi për të kryer grabitjen. Autoritetet e përshkruan ngjarjen si një “vjedhje në stil mafioz”.

Hetimet u vështirësuan pasi automjetet e përdorura për arratisje rezultuan të vjedhura, por një patrullë policie arriti të ndalojë një prej tyre. Si rezultat, katër të rinj të moshës 19 deri 20 vjeç u arrestuan, ndërsa dy prej tyre u liruan më vonë pasi çështja nuk ishte dërguar ende në gjykatë.