Debatet që lidhen me banorët e Big Brother VIP Albania kanë kaluar edhe jashtë shtëpisë, pasi babai i Selin, Toni Bollati, ka reaguar publikisht ndaj deklaratave të bëra nga Rogerti.

Në një intervistë për emisionin Fan Club në Top Channel, ai tha se nuk e njeh personalisht Rogertin dhe se nuk kishte dëgjuar për të para se të bëhej pjesë e spektaklit.

“Rogertin nuk e njoh dhe nuk kam dëgjuar ndonjëherë për të. Po ju them që ajo mund të ketë thënë shumë gjëra, por jo diçka që nuk qëndron”, u shpreh Bollati gjatë intervistës.

Ai hodhi poshtë edhe pretendimet që kanë qarkulluar se ndodhet në burg, duke theksuar se një gjë e tillë nuk është e vërtetë. “Kjo gjëja e burgut e kam sajuar unë”, tha ai, duke shtuar se nuk beson se do të ketë ndonjëherë një takim me Rogertin.

Në të njëjtën kohë, Bollati i dërgoi një mesazh babait të Rogertit, duke kërkuar që situata të shihet sipas traditës. “Përmes jush i çoj fjalë babait të tij që ta shohë këtë punë sipas ligjeve dhe kanuneve, që kur e shan një vajzë mbi dy herë, ke ofenduar burrin, babanë, dajat dhe gjithë familjen e vajzës”, deklaroi ai.

Reagimi i tij vjen pasi Rogerti kishte deklaruar brenda shtëpisë së Big Brother VIP se tezja e Selin i kishte thënë se babai i saj ndodhet në burg, pretendim që është mohuar më herët edhe nga vetë Selin.