Zëvendëskryeministri i Parë i Maqedonia e Veriut, Bekim Sali, organizoi një iftar me funksionarët e VLEN, me rastin e Muajit të Bekuar të Ramazanit.

Gjatë fjalës së tij, Sali theksoi se “sofrat e iftarit janë një kujtesë se puna jonë kërkon bashkëpunim dhe solidaritet mes nesh. Ashtu siç ndahet buka e iftarit me njëri-tjetrin, edhe përgjegjësitë dhe sfidat duhet t’i përballojmë bashkërisht, me mirëkuptim dhe përkushtim”.

Ai u shpreh gjithashtu se ky iftar duhet të jetë një leksion bashkimi dhe uniteti, duke shtuar se “Le të jetë kjo mbrëmje një moment reflektimi, por edhe një motiv shtesë për të vazhduar punën tonë me më shumë energji, më shumë përgjegjësi dhe më shumë përkushtim ndaj qytetarëve, ndaj së ardhmes së vendit tonë dhe brezave që vijnë pas nesh”.