Kryetari i Lidhjes Demokratike të Kosovës, Lumir Abdixhiku, ka deklaruar se partia që ai drejton po hyn në një fazë të re bashkimi dhe fuqizimi. Përmes një postimi në rrjetin social Facebook, ai theksoi se pranvera e këtij viti e gjen LDK-në më të konsoliduar se më parë.

“Këtë herë pranvera, po na gjenë bashkë. LDK po kthehet qysh e kemi dashtë, e bashkuar, e fortë, si një shtëpi e madhe”, ka shkruar Abdixhiku.

Kjo deklaratë vjen në një kohë kur LDK synon të rikthejë fuqinë e saj politike dhe të forcojë unitetin e brendshëm.