Robert Mueller, ish-drejtor i FBI dhe figura qendrore e një prej hetimeve më të rëndësishme në SHBA, ka ndërruar jetë në moshën 81-vjeçare.

Lajmi u bë i ditur nga familja e tij, e cila deklaroi, “Me trishtim të thellë, po ndajmë lajmin se Bob ndërroi jetë mbrëmë”.

Në gushtin e kaluar, familja kishte njoftuar se Mueller ishte diagnostikuar me sëmundjen Parkinson në vitin 2021.

Mueller u bë i njohur për udhëheqjen e hetimit federal mbi ndërhyrjen ruse në zgjedhjet presidenciale amerikane të vitit 2016, duke shqyrtuar lidhjet e mundshme mes fushatës së Donald Trump dhe qeverisë ruse të drejtuar nga Vladimir Putin. Hetimi u zhvillua nga maji 2017 deri në mars 2019 dhe mbetet një nga proceset më të rëndësishme në historinë moderne politike të Shteteve të Bashkuara.