Ish-kryeministri dhe lideri i Partia Demokratike e Shqipërisë, Sali Berisha, kritikoi propozimin e kryeministrit Edi Rama për të ulur akcizën e naftës vetëm nëse çmimi kalon 220 lekë për litër, duke e cilësuar atë “tallje cinike me qytetarët”.

“Të nxjerrim makinat, të bllokojmë rrugët. Është tallje cinike, të nxjerrësh sytë dhe të çosh vetullat do të thotë që ky është lubia që po përfiton më shumë nga çmimi i naftës. Sepse kur çmimi i naftës shkon 220, përfitimi i tij nga ky çmim rritet me 40 përqind,” tha Berisha. Ai kërkoi që Kuvendi të aprovojë amendimet e propozuara nga demokratët për përgjysmimin e taksës së qarkullimit dhe lëvizjen e akcizës, duke e krahasuar Shqipërinë me Kosovën dhe Maqedoninë e Veriut ku çmimi i naftës mbetet më i ulët.

Berisha akuzoi gjithashtu qeverinë për borxhin e kompanisë “Air Albania” dhe ngecjen e Shqipërisë në procesin e integrimit europian. Ai ftoi qytetarët të dielën në orën 18:00 të bashkohen në një kryengritje paqësore poshtë selisë së qeverisë.

Burimi: Tv Klan